WITOMY WOS SZKOLORZE!

JAK WIDZYMY NASZYCH SZKOLORZY ZA PORA LOT?

Kożdy bajtel ze Studziynic mo poradzić żyć miyndzy ludziami, 
musi umieć się ś nimi dogodać i do kupy się zgodzać.
Musi też mondrze radzić se z nowymi wynalazkami,
wtore ludzie wymyślają, coby ułatwić se życi.
Chcielibymy, coby wtory ś nich łostoł wielkim uczonym,
wtynczos dopiyro byłoby głośno ło Studzienicach.

 CO ROBIYMY, COBY NASZE BAJTLE WYROSŁY NA PORZONDNYCH LUDZI?

Kożdo szkoła i przedszkole mo swoji zadani do zrobiynio.
My tu w Studziynicach ni mogymy być gorsi, przestóż zaczynomy łod nojmłodszych,
nojprzód w przedszkolu, a potym w szkole.
Uczymy nasze dziecka coby miały w zocy dorobek naszych łojców,
coby zawdy szanowały tradycje i downe łobyczaje,
wtore dlo Ślązoków były łogromnie ważne.
Szkolymy nasze bajtle, coby umiały szanować swoich łojców,
rechtorów i inkszych ludzi.
Radzymy jim, jak majom se pomogać jedyn drugimu i jak być szczyry dlo inkszych.
Staromy sie nauczyć szkolorzy samodzielności i łodpowiedzialności
za swoja robota i postympki.
Momy też ważne zadani, coby nasze dziecka były mondre
i szyrzij łotworzyły łoczy na piykny kraj, jakim jest Polska.
Pomogomy im też zdobyć wiedza i umiyjyntności,
wtore przidajom sie do zdobycio dobrego fachu i do życio z ludziami.